Hpx 手機維修課程

張貼者： dada 於凌晨12:16 沒有留言

各位想學手機維修嘅朋友小心以上手機維修課程，此課程完全唔值16500元(最新價錢)，完成課程出去連做學徒都無人請，因為佢教你係已經被淘汰嘅過時技術。課程唔會有講座上所聲稱嘅實戰，理論絕非導師經驗之談其實都只係一啲過時網上資料，亦唔會成功介紹你到手機外判商及手機店就業，聲稱嘅合作夥伴(三星怡和手機)更被踢爆係虛構公司，授課導師亦非真正手機維修師傅，相反(馬生及Kin Sir)更被該校前員工踢爆唔識維修手機，由唔識維修手機嘅人士嚟充導師教授手機維修絕對唔合邏輯。裝拆過時又唔完整機種(Iphone 4及s2)。完全不能做到與時並進，而教授BGA嘅馬生就連自己也不成功做到，而屏幕貼合更未有成功過，教授UV水膠貼合技術更係過時到已經無人採用。根本唔值得用16500元去學已經被淘汰嘅技術。而且校方呃鐘情況非常嚴重(返學上網搵ROM，上淘宝介紹工具等……)課程更加無政府及手機界的任何認可。 Ps:Mp3證據校方已經有多次講大話及開空頭支票記錄，而(eduplus.hk)呢編廣告更用上(Samsung外判維修中心最近更成為合作伙伴，為你的維修事業踏上重要一步。)已經係作出虛假說明。校方網站最新聲稱更删除所有推薦工作字眼，亦代表校方唔會對(就業推介)作出任何承諾，一個完全保障唔到你日後專業資格及提供工作機會嘅課程，重值唔值得浪費(時間、金錢、精神)請大家認真諗一諗。已經有其他師兄去過以下公司見工，確定唔聘會該校畢業生的公司。 (三星電子香港有限公司、HTC、先達三樓全層、地下手機維修專門店、全條鴨寮街、長沙灣CWG) 如各位朋友睇完以上警告，都係依然想報讀此課程我有以下建議俾大家。先完成一堂後先俾一堂學費，千其唔好一次過交晒大部分學費，否則阮校長收咗大部分學費後必定反口。如果想學維修手機亦可以去買二手機再上網查資料自學，都必定學得好過喺呢間黑店學校讀個垃圾課程，唔想受騙就一定要小心。