小心黑商教鋼琴EC PiaXo

喺網上見到佢哋速成流行鋼琴課程(20堂)，我8月尾見到係150蚊/堂，3000/20堂。 打電話係個叫Ana嘅女人，話可以免費試一堂，仲話係自己琴行，有信譽，我表明想學配cord，鋼琴7級。 點知去到原來係租琴房學，佢話有琴行不過旺角依家full booking要租琴房，咁我就唔想學點知個導師呀謙，加埋Ana兩個係咁sell我，又擋喺門口，又話可以俾咗20堂錢先，學得唔好就退返。 我又發神經咁俾咗錢，得張2聯收據。 學咗4堂，導師呀謙愈教愈冇heart，我本身鋼琴7級，佢要我彈d簡譜，我一take ok，佢就要我成堂1個鐘不停重複彈一首歌(而且個譜係偷其他人成果)。我同導師講我想學無譜彈奏同配cord而佢一直唔肯教，仲話練完先講。 咁我上星期上完第4堂就call Ana同佢講導師教嘅唔係我 level，Ana話因為我俾個學費係俾初學者嘅，所以導師唔教，叫我加錢，我要求退款，Ana話要同導師商量，當然我即時講"又係你哋當初話學得唔好可以退"，點知佢話我簽咗合約，(我冇簽過任何條款合約，只有簽到)，唔退得，仲叫我唔好咁似乞衣。之後無論電話wtsapp都唔覆我。 勁嬲，呢間黑店，因為租琴房冇門市地址，都唔知點追返d錢。 佢哋電話640X3189
更多詳情請看以下網址: http://www.blacklistshop.com/%e5%b0%8f%e5%bf%83%e9%bb%91%e5%95%86%e6%95%99%e9%8b%bc%e7%90%b4ec-piaxo/