先達地下G6X手機店舖，係黑店，唔好幫襯
在此想分享一下我某個家人在先達廣場購買手機被騙之經歷，我們全家決定以後也不會幫襯先達內任何一間店舖。其實件事已經被騙，也不能追討，只能接受，必須先承認我們的愚昧，但也希望在此不吐不快，並希望以此讓大家引以為鑑，我以下分享全部是事實，請大家不喜勿插。 2014年6月1日在先達地下G6X店舖內(註:X是一個數目字)，該店名字只有英文名,意思是一個國家中之領袖，跟港島西一間有名band 1男中學同名，不過該店所發之收據上之店名為X優科技電訊(註:X也是一個數目字)。家人買了一部全新iPhone5c行貨，$3980，話apple可保養1年，點知電話2014年8月初首次壞了，拿去apple店整，對方拆開一看，話內裡零件已換過，非原廠，所以不會免費保養。 家人軟弱，又冇即時報警，8月11日回到先達那店嘈，職員稱老闆取貨回來時也是不知情，並承諾免費維修及提供保養一年了事，家人竟接受了。 到了2015年2月初，電話又壞了，2月9日又回到先達那店嘈，職員稱要找師傅看，稱是底板燒了,要時間找到那零件才能換，家人在多次追問仍未取回修妥的電話，一直以未能找到合適零件為由拖延。直到家人在4月12日找來其他人幫手追討，對方職員表示無辜，部電話零件唔係原廠佢都唔知嫁……最後職員表示一星期內回覆家人及其智囊團(包括我)。 最後對方在4日內電話回覆，指要我地比零件價錢一千元,，才免費維修，話冇賺家人。我地不肯，又提出可以$300回收這部壞機，仲提議幫手搵一部二手機回來用成本價賣比我地，等我地再去TRADE In時賺番D，以補回壞機上蝕本金額。總之，建議怪怪，最後我們決定寧願蝕本，當作電話掉左落大海，亦不會再比呢間公司一毫子。 我地在4月14日到先達想取回機，對方要我們等3粒鐘，話要裝番部機，期間問先達內其他店維修價，都冇咁貴，TRADE IN價也不只$300，但當他們看到我們收據，知道部機是在那間店內買，他們立即改口風，似乎他們已知我們那部機是邊一部。最後我們取回壞機便走算了，當買個教訓。 分享完畢，請大家小心呢間黑店。更多詳情請看以下網址: http://www.blacklistshop.com/%e5%85%88%e9%81%94%e5%9c%b0%e4%b8%8bg6x%e6%89%8b%e6%a9%9f%e5%ba%97%e8%88%96%ef%bc%8c%e4%bf%82%e9%bb%91%e5%ba%97%ef%bc%8c%e5%94%94%e5%a5%bd%e5%b9%ab%e8%a5%af/
訂閱：
張貼留言
(
Atom
)
1
回覆刪除先達廣場地下G11鋪 Eleven Mobile係黑店！！先達廣場地下G11鋪 Eleven Mobile係黑店！！先達廣場地下G11鋪 Eleven Mobile係黑店！！話說我2019年6月一個星期日去先達哩間Eleven Mobile黑店幫老婆換手機電池，其實換噶時候都覺得唔係好對路。整手機嗰條友，以下簡稱“廢人”。咁嗰廢人間鋪頭可能連20呎都無，連個似樣噶手機維修台都無（但係有個小魚缸），換電噶時候起電池底黏上嗰種好厚噶雙面膠紙（我之前嚮第二度唔會拿咁厚噶膠紙來黏），手機合上之後入面D黑膠仲凸埋出來，整得勁樣衰。換完之後第二日我老婆出trip，拿到去機場部手機突然就黑咗用唔到。等老婆翻來香港係下一個星期日，我拿翻去整，佢已經態度180度急轉彎。第一次來就“哈囉哈囉”，今次有問題佢就俾面色我睇。我都無鬧佢，條廢人已經好唔耐煩，話係我撞鬼，入面個零件鬆咗，仲話可能係我撞到部機（喂大佬，你以為我拿部機當錘仔用啊？）。咁都算了，我唔同佢計較，但係點知第二日，部機又黑咗！死咗！同上次一模一樣死咗！咁我緊係嫐啦，明顯佢整爛我部機啦！我即刻翻去搵佢，換舊電我來三次，我當然好不滿啦，俾你仲笑唔笑得出啊？但係我依然無鬧佢，佢反而仲大火過我，話我咁噶態度“唔L”幫我整。What??咩料啊？整壞人部機唔洗負責仲咁惡？我唯有報警，但係佢一D都唔care，等警察過程中佢一直用粗口鬧我，仲話“退錢俾你得，燒俾你啊”，然後話“食唔食糖啊？”將粒糖丟地下仲扮狗叫。講真，D侮辱行為由D咁噶廢人做出來，對我真係無乜殺傷力，甚至覺得有點滑稽。後來警察來到，我先知點解佢地一D都唔怕報警。因為個廢人同警察講，三個鐘頭之後叫另一個師傅來幫我整，警察一定要我接受哩個方案。我話阿Sir，佢明顯老點我啦，邊有可能真係真係搵人來幫我整？但係阿Sir話，未發生噶嘢唔可以依家判斷，叫我等到嗰時再算，再唔係到時再報警或者搵“相關部門”跟進。好吧，原來警察真係廢噶，佢地淨係想close case。咁我唯有出去搵其他鋪頭整，另一間鋪噶師兄一打開部機之後明顯嘖一嘖，暗示我上一手整得好差，連個主板都整壞埋，塊電池都係用流嘢之中噶流嘢。兩間鋪頭都有出單俾我，人地張單有埋電話，但係黑店張單就乜聯絡方式都無，要搵佢地唯有去翻先達，如果係遊客走咗就無仇報。我奉勸大家，手機有問題最好不要去先達，尤其係亞皆老街83號門口入去嗰幾間，佢地同聲同氣，同爛仔竇無分別。我以前去入面右前方一間度換過兩次電池都無問題，人地面前就有個手機工作維修台，睇上去都pro一d，今次無去翻同一間實在係決策失誤。算啦，個幾舊水當餵狗，佢扮狗叫都扮得幾似，咁我都當收貨啦！唔怪得香港失業率咁低，d咁噶阿豬阿狗起黑店呃人都可以當就業。大家買手機千祈唔好貪便去先達買，佢地舊機當新機賣，專呃遊客，上網隨便search都可以見到好多相關負面新聞，不得不說哩D黑店真係影衰曬香港。再次重申，先達廣場地下G11鋪 Eleven Mobile係黑店！！先達廣場地下G11鋪 Eleven Mobile係黑店！！先達廣場地下G11鋪 Eleven Mobile係黑店！！
回覆刪除