美容院黑店Shyxne

前排經groupbuyer買左個團購包括 電眼睫毛+精華按面+水份面膜+眼部激光+送一部洗面機， 尋日去用啦。 去完真係想投訴佢。之後上網search 下先知呢間係黑店。 既然中左招， 唯有上黎話俾大家知， 因呢間野成日都做團購的， 希望大家買團購時小心d. 話說一入去， 美容師態度已經唔好， 不過我見佢幾忙， 可以理解。 點知訓左落床， 幫我包起d 頭髮時已經開始sell,  話佢地冇錢賺， 要我join course,  又話個眼部激光護理只係點一點， 唔會見到效果， 要我加錢做full facial 先肯幫我做。 我唔加， 佢就話咁唔幫我做， 反正見唔到效果。 跟住電睫毛同full mask,  之後佢出左去勁耐都唔返黎， 我塊面d 水都俾塊mask 吸返晒， 後來睇錶，塊mask 敷左差唔多1 hr,  早知唔要好過.  起mask期間仍然係咁sell,  我索性扮啞任佢講。 之後佢做精華按面， 不過其實係搽上塊面就算， 完全冇按面， 跟住cream 都冇搽就叫我起身。出到去， 巡例俾人sell,  但我已經好不滿佢地既手法， 當然唔會join.  臨走我問佢俾埋部洗面機我， 點知佢地叫我等寫字樓call 我， 我問幾耐會call 我， 佢話有貨就會call. 跟住我一出門口， 就聽到佢地講我壞話， 話我唔join course. 其實佢地覺得蝕既， 就唔好做呢個offer,  我冇責任俾錢佢地賺ga,  而且咁既態度， 仲想我join? 唔係下fa.  如果等多一星期仲係冇洗面機， 我會考慮去海關告佢違反商品說明條例， 希望可以阻止佢再欺騙消費者。 P.s. 間野叫Shxxne Beauty Spa,  又叫Vx beauty.  個團購仲賣緊, 不過我一向groupbuyer 投訴就落左架了.
更多詳情請看以下網址: http://www.blacklistshop.com/%e7%be%8e%e5%ae%b9%e9%99%a2%e9%bb%91%e5%ba%97shynne/