教學黑店 手機維修課程 HPC IT Eduxation Center

錄音實證，何來不誠實、何來不負責任。 https://drive.google.com/file/d/0B-lf2pqZElhEVXhnM0R1UHcwanc/view?usp=docslist_api Ps：感謝其他師兄提供錄音證據。 各位想學手機維修嘅朋友小心以上手機維修課程，此課程完全唔值一萬多元(最新價錢)，完成此課程出去連做學徒都未必有人請，因為佢教你係已經用不著被淘汰嘅過時技術。 課程唔會有講座上所聲稱嘅實戰(呢點校方已經承認)，理論亦絕非導師經驗之談其實都只係一啲過時網上資料，亦唔會成功介紹你到手機外判商或手機店就業，聲稱嘅合作夥伴(三星(怡和)手機)更被踢爆係虛構公司，授課導師亦非真正手機維修師傅，相反(馬生及Kin Sir)更被該校前員工踢爆唔識維修手機(呢點校方已經承認)，由唔識維修手機嘅人士嚟充導師教授手機維修絕對唔合邏輯，聲稱全職手機維修師傅新導師(張 Sir)亦只係該校畢業生。 裝拆過時又唔完整機種(Iphone 4及s2)，完全不能做到與時並進。而教授(BGA焊晶片)嘅導師馬生就連自己也從未成功做到，而屏幕貼合更未有成功過，教授UV水膠貼合技術更係過時到已經無人採用，根本唔值得用16500元去學已經被淘汰嘅技術。 而且校方呃鐘情況非常嚴重(返學上網搵ROM，上淘宝介紹工具等……)課程更加無政府及手機界的任何認可。 Ps:在線Mp3證據 校方已經有多次講大話及開空頭支票記錄，而(eduplus.hk)呢編廣告更用上(Samsung外判維修中心最近更成為合作伙伴，為你的維修事業踏上重要一步。)更加係懷疑作出(虛假或誤導性商品說明) 因為校方從來無法提供與(怡和科技(香港)有限公司及電訊首科控股有限公司)合作相關證明。而兩間相關公司亦從未表示與該校有任何合作關係。 校方網站最新聲稱更删除所有推薦工作字眼，亦代表校方唔會對(就業推介)作出任何承諾，一個完全保障唔到你日後專業資格及提供工作機會嘅課程，重值唔值得浪費(時間、金錢、精神)請大家認真諗一諗。 已經有其他師兄去過以下公司見工，確定唔聘會該校畢業生的公司。 (三星電子香港有限公司、HTC、先達三樓全層、地下手機維修專門店、全條鴨寮街、長沙灣CWG) 如各位朋友睇完以上警告，都係堅持 報讀此課程我有以下建議俾大家。 1.)先完成一堂後先俾一堂學費，千其唔好一次過交晒大部分學費。 2.)而報讀前請先查證該校所聲稱合作伙伴是否屬實。 3.)校方對你作出任何承諾，都要有(白紙黑字)寫明及校方印鑑作證。 注意:三星電子維修外判商全名為(怡和科技(香港)有限公司)，絕對唔係校方之前網站上所聲稱(三星(怡和)手機) 注意:Apple外判商全名為(電訊首科控股有限公司) 如果想學維修手機亦可以去買二手機再上網查資料自學，都必定學得好過喺呢間黑店學校讀個垃圾課程，唔想受騙就一定要小心。 PS：校方已經承認證書係無任何認受性，只係一張價值21880元嘅廢紙。
更多詳情請看以下網址: http://www.blacklistshop.com/%e6%95%99%e5%ad%b8%e9%bb%91%e5%ba%97-%e6%89%8b%e6%a9%9f%e7%b6%ad%e4%bf%ae%e8%aa%b2%e7%a8%8b-hpc-it-eduxation-center/