之前同老婆去睇租婚紗. 行左幾間, 其實已經選擇左d. 去到In Wedding佢話幾千蚊 可以租5件衫, 可以任揀既, 不論婚紗, 晚裝,媽媽衫,姊妹. 總之佢地有做既,都可以. 佢又叫我地, 唔洗咁早揀定嫁, 佢地不斷有新款番. 婚前2-3個月去, 先揀就ok. 諗住5件衫, 媽媽著又好, 自己著, 姊妹著,點都用到啦. 就比左錢. 到早兩三個月去, 我女友只係揀到一件婚紗. 試左幾件晚裝,因為太殘同相片爭太遠, 冇揀. 都算啦, 咁同佢講, 我地再唯有帶媽媽去試. 事情就發生啦. 事頭婆即刻出黎話.  你地試左晚裝, 一定要租晚裝嫁wor. 你想租番男禮.媽媽衫乜都唔得. 同佢嘈左成粒鍾. 買果時又話租乜都得. 試果時亦唔講你試左就要租. 到你話揀唔到.就黎料啦. 可能果日係星期六下午. 嘈左成個鍾之後, 搵個男人出黎, 扮曬和事佬. 話最多媽媽衫比我試3件. 到媽媽上去揀. 我媽只有一個要求. 要有袖. 佢竟然話得3-4件選擇. 佢地全部都係雞翼袖. 最後. 好采另一邊既媽媽ok, 用左d quota. 其他租男禮件件都話冇size(我只係要42size)都唔市詳細講. 求其搵左件黑色(最後太肉酸冇著). 去到還衫. 精采既就出現. 攞住件晚裝,好似驗屍咁. 真係一寸一寸咁睇. 又話腋下位,黑左少少,又想收清潔費. 唔通你腋下會有化妝品咩. 之前講又話紅酒, 燒爛, 之類先要收錢.又再嘈一輪. 再去驗婚紗. 又話我老婆整花左件婚紗. 佢話起面果個紗近地下既位置有d 橫既痕. 係整花, 又屈$300 最蠢係我地借既時候,冇好似佢咁一寸一寸咁check 件衫, 有冇少花痕. 跟本死冇對証. 我幻想唔到, 行上台既一段路有幾花. 點整爛佢件衫. 各位.我絕對唔係佢地d同行去中傷佢, 唔信既, 我重有單有據, 可以比大家睇. 千其唔好學我, 貪平平地. 信佢口甜舌滑. 到你還衫就知死.
Read more... http://www.blacklistshop.com/%e5%8d%83%e5%85%b6%e5%94%94%e5%8e%bb%e5%8e%bb-%e5%b0%96%e6%b2%99%e5%92%80-in-wedding-%e7%a7%9f%e8%a1%ab-%e8%b6%85%e7%b4%9a%e9%bb%91%e5%ba%97/

千其唔去去, 尖沙咀 IN Wedding 租衫. 超級黑店.

剛剛收到個疑似呃人電話﹣  一個廣東話幾正嘅男人 接通電話..... 我:喂!搵邊位? 對方:喂! 我:請問搵邊位? 對方:你唔認得我咩? (心諗:已經覺得唔對路,我肯定唔識佢!) 我:我就係唔知你係邊位,所以先問你搵邊位? 對方:大陸電話喎!你唔認得咩? 我:我都唔識人係大陸,你係邊位丫? 對方:我係大陸ga喎!你唔認得我咩? 我:我都唔識得有人係大陸,你究竟係邊位? 對方:冇係大陸,咁有冇人係星加坡丫? 我:都冇喎! (心諗:就算有星加坡朋友都一定唔會係佢囉!) 對方聽到我話冇時就收左我線了.... 所以大家真係要小心,尤其係收到D不明來歷嘅電話.....
Read more... http://www.blacklistshop.com/%e5%89%9b%e5%89%9b%e6%94%b6%e5%88%b0%e5%80%8b%e7%96%91%e4%bc%bc%e5%91%83%e4%ba%ba%e9%9b%bb%e8%a9%b1/

剛剛收到個疑似呃人電話

深水步元州街56-58 號地下 入面個老女人CINDY 初頭想我幫襯就話想點做都得 好喇...到第2日上黎度尺,比左D相叫佢跟住黎做同收訂金...佢話3日內會有圖出比我睇...佢果時報價比我係6000左右..過左3日..打比佢唔通 第4日冇人聽...結果成個星期先搵到佢...咁我好聲好氣問佢做咩幾日搵佢唔到有圖比我睇未,點知佢大聲夾惡話我好忙架,唔係得你一個客...張圖要過多幾日先有喎...真係幫襯前後2個人黎...好喇...到左睇圖果日..同我比相佢完全係2回事...咁叫佢改啦..佢D態度真係可以用十分惡臭來形容..話如果要跟我個圖就要+多2000左右,阿嬸呀,果時你又唔報呢個價,好喇 搞左又差唔多個幾星期,+左1500蚊出多次圖比我都未符合我心水...都算啦 我心諗再改落去都係咁上下...同埋我都幾急要張床,唔想再拖...就叫佢盡快做貨話我急要...佢話2-3星期就OK...過左3星期 一個電話都收唔到...打去諗住問下貨期,佢個電話永遠要預幾日前打先得...打幾日又冇人聽...最後搵到佢 佢又話大6果邊未送黎唔關佢事...3星期都送唔到就一早講啦...送唔到都唔使擺一副事不關己既態度啦..我係搵你買床架...阿嬸.... 過一星期打黎話聽日送貨有冇問題,我話OK啦..好喇..張床送到黎喇 裝果個人兄話書檯唔岩位... 阿CINDY嬸嬸你唔係專業室內設計架咩 ,點解可以尺都度錯,真係比個GD你...跟住愈黎愈多問題發覺,衣櫃竟然冇預層板同衣通比我,買張床唔通叫我自己鑽板咩..玻璃櫃可以冇拎玻璃黎....我初頭真係太高估左佢既學歷喇....整完曬D野話3日後整埋未整果D....D尾數我話你整埋先一次過比你,佢話唔得 一定要收曬 咁大張床比左你唔驚你唔要其他野咩, 我話你快D搞好快D收埋尾數就大家好做啦.. 比剩700下次收埋,如是者又過左7日... 呢間黑店永遠都唔識自動自覺,又打去問幾時上黎,態度依舊,真係有諗過佢更年期緊...呢次上黎切左檯腳岩位...完全遺忘左玻璃同衣通層板....我又打去個老女人度..話衣通層板做好唔記得拎,塊玻璃係大6做要10幾日先OK....下次一次過做好一齊再裝..OK又等埋你呢次比,師傅又追尾數..跟住比左400 尾數300...又10幾日 今次主動打黎送貨喇...裝左層板衣通...塊玻璃又唔岩位...真係好懷疑佢把尺係咪物似主人形.....呢次我真係忍唔住....鬧左佢幾下...前前後後2個幾月都黎 都未幫我搞店....佢又係果句...我好忙唔係只係招呼你1個客...X生...如果你再係咁既態度我就唔撚會再幫你跟...粗口都出埋...我真係XYZ...叫佢唔使跟就CUT佢線....唔怪得之每次都想收齊尾數...收齊左一句話唔跟就唔跟....之前幫襯過其他都唔會咁既態度..後尾我上網搵呢間黑店資料 發現左原來仲有幾個人中招: http://blog.yahoo.com/_ZVZWQBOTDBBFSPOHEPDVE5URD4/articles/149040 http://comtools.esdlife.com/wedding_forum/viewtopic.php?t=194275 http://hk.knowledge.yahoo.com/question/question?qid=7008040500956
Read more... http://www.blacklistshop.com/%e6%b7%b1%e6%b0%b4%e6%ad%a5%e8%97%9d%e5%9f%8e%e5%82%a2%e7%a7%81-%e6%ad%a3%e5%ae%97%e9%bb%91%e5%ba%97/

深水步藝城傢私 正宗黑店

我係官塘既綠悠軒訂做個衣佢,做得好差, D色水又差, D色水差到連D木紋都睇到,送貨人態度勁差\_/好冇禮貌,放係店度果D家私D色水又靚做出來又靚, 肥肥地女人又有禮貌,不過第二次去就唔知點解俾曬面色我睇.送到黎真係唔掂, D湯門拉唔到, 我問點解會咁, 佢話我唔識拉門, 佢自已試拉都拉唔到都唔理. 要我俾錢,我同佢講你唔幫我整番對門我係唔會俾錢, 佢同我拆左個衣拒, 我問佢幾時俾番到柜我, 佢話唔會再送架啦, 我問咁我D訂金呢? 佢話冇架啦, 想要番咪報警囉. 最後我都要番個垃衣圾柜, 俾埋D錢. D服務態度咁樣都有. 希望大家唔好再去官塘綠悠軒買傢私, 真係態度好差.
Read more... http://www.blacklistshop.com/%e5%ae%98%e5%a1%98%e7%b6%a0%e6%82%a0%e8%bb%92%e5%a5%bd%e5%b7%ae/

官塘綠悠軒好差

呢排想去旅行, 上星期收到club med 的e-mail, 做緊promotion , 去民丹島...5 days 4 nights 普通房特價 " $6004 up" -------------------------------------------------------------------------------------------------- 22/2 尋日行下行下, 去到屯門的"專x旅運", 咪入去睇下law~~ 咁啱有club med 的呢個package, 咪順便睇睇law....內容大概如下:- Me  : 我收到clubmed去民丹島的package...好價wor...你們做幾$$...??? Staff : 係, clubmed 如果做promotion, 係坐UA airlines. ...夜去早返的, 咁無頭無尾唔抵wor... 如果你自己打去club med book 佢又話加$$, 加埋仲貴架~~ 我地做緊最平的房, 依家都promotion, $4260 (未計機票, 稅, 入會費)....我幫你book張 新航早去晚返的機票, 再加呢個價, 我保証一定平過club med.... Me : 橫掂都想去, 咁都好啦~~ Staff : 要full payment visa 過數, 如果club med 無位會全數退回的... 我幫你book choice 1) twin room, choice 2)Seaview room , choice 3) deluex seaview room 就過住最平既twin room $7968/person x 2 = $15936 如果到時無twin room 先再補差價 (也reasonable) 佢比我的 price 係 (included tax, ticket, room, member fee...etc) choice 1) twin room $7968 choice 2)Seaview room $8388 choice 3) deluex seaview room $9258 23/2 一早0900 hrs , 我自已電去club med check price..............>>> 無choice 1, 淨返 choice 3......(原來價錢係包星航 的機票), club med 話直接同club med book 和係" "專x旅運" book 應該係一樣的...無可能差咁遠......但club med 話仲未收到""專x " sent 俾佢地既booking wor~~~ club med仲話會同"專x"溝通下 1300 hrs "專x" 仲未contact 我. 咁我就打電話比佢, "專x"同我講大話, 話已經sent 左我的details 比club med, 同check 過無choice 1-3 既房, 話有再高級d 既suite....要$13000/人......... 1400 hrs 我又電club med, club med 回覆話有choice 3 房1間, 係reserve 比我, 但仲未收到我既apply form..............咁即係""專x"講大話啦, 由頭到尾都無sent 過我份form 比club med然後老作.....................我向club med complaint........最尾club med 親自打電話比"專x", 1500 hrs ""專x", 再電我話""room confirmed, choice 3 price is $7652/人"", 唔好意思咁話wor, 不用補錢仲有回水添~~~~~~~~~~~~~~~~~~~~~~~ 如果今次事件, 係老人家, 咪比佢地掠到""" 一頸血"""...........
Read more... http://www.blacklistshop.com/%e5%b0%8f%e5%bf%83%e5%b0%88%e6%a5%ad%e6%97%85%e9%81%8b-%e9%bb%91%e5%ba%97/

小心專業旅運 黑店

事緣今天幫老闆買條復仇者 8GB ram佢俾左張memo 有 model spec 同 number 的給我 咁揾左好耐先係灣仔電腦城一間叫 Videocom 揾到 580HKD 咪買囉 然後個 sale 走左去攞貨 另一個 sales 即刻收我錢 過左陣, 個攞貨的 sales 返黎 話吾係果個價 4Gbx2 的才是580HKD 8gb 的也是一定要買二條 要  1080HKD 咁我咪再去攞錢 俾錢 再攞住件貨 睇下睇下 有D吾對路 因為條 ram 都几大條 吾似 notebook 用 問一問個 sales 佢話吾係 係 Desktop 用的 我O 左 咁我又好似冇好肯定咁講個話係 notebook 用 佢再黑口黑面咁寸我 果隻 ram 冇 notebook 用的 ( 剛上網查過是有的!!!) 我俾錢果時未睇過條 Ram 的 咁見不是我要的左 咪話想退錢 果2個 sales 即刻話 冇喎入左機 吾可以退貨 一係換 咁我問下老闆 OK 咁咪換條 Kingston 囉 跟住佢再入單 幫我換左條 Kingston 的 收我 $ 580 只會退返 $500 俾我 我即刻話有冇搞錯 咁貴 gei 佢話係咁 ga la 再問一問老細 冇計 明屈 焗著買 買左之後 再去隔離位的一間舖頭問下價 Kingston 8Gb 1600 $390 一問之下更加心有不甘 再去揾果D sales 理論 個 sales 話幫我查下 佢係我視綫範圍內 隨便翻了一下紙張 極度明顯地上面不是價目表 (我離那張紙只有 3-40 CM) 然後答我: 冇喎, 公司係收咁多, 冇計 一開始, 我可能冇講清楚 但我未見過件貨 佢已收了我錢 貨品未到我手已發現不同 不肯退貨 然後逼我用 580 換一個只值 390 的貨品 老實說 被人屈了 我也不好意思再叫我老闆用原價買 可能會當 400 咁買返黎算 剛上網 search Videocom 這個名 都有人話係黑店 無論如何 以後都會行遠D 去返旺角果度買 Videocom 我一定吾會再幫襯 仲會盡所能叫親戚朋友吾好再幫襯
Read more... http://www.blacklistshop.com/%e7%81%a3%e4%bb%94%e9%9b%bb%e8%85%a6%e5%9f%8e%e9%bb%91%e5%ba%97-videocom/

灣仔電腦城黑店 Videocom

警方拘捕一名台灣男子 , 懷疑他涉及一宗電話騙案. 一名五十七歲女子 , 朝早在黃大仙竹園南村的住所, 收到一名陌生男子的電話, 訛稱她的兒子因為欠債而被脅持, 要求事主繳付十萬元欠款, 事主議價後, 對方同意將贖款減至二萬 , 當事主到達一間銀行時, 利用字條通知職員報警. 警員到場後, 事主按要求前往尖沙咀中港碼頭外交付贖金, 在附近埋伏的警員, 在場拘捕一名五十二歲持台灣證件的男子 . http://104mfonline.com.hk/MetroFinance/News/NewsLive.aspx?NewsID=20130117223733
Read more... http://www.blacklistshop.com/%e8%ad%a6%e6%96%b9%e6%8b%98%e4%b8%80%e5%8f%b0%e7%81%a3%e7%94%b7%e5%ad%90%e7%96%91%e6%b6%89%e9%9b%bb%e8%a9%b1%e9%a8%99%e6%a1%88/

警方拘一台灣男子疑涉電話騙案